Boek: ‘Lotta se lewe 13: Woef-waff!’

Alice Pantermüller

Lotta se klas gaan hierdie week na hulle ouers se werkplek toe om te kyk wat hulle beroep is.

Pappa is een van die ouers. Net die gedagte dat hulle na sy skool toe gaan, gee haar ʼn naar kol op haar maag. Gelukkig gaan hulle darem van ander cool beroepe ook leer.

Leigh-Anne se ma werk by ʼn hondesalon, en hulle gaan ook inloer by die diereskuiling waar mnr. Lategan vrywillige werk doen. Dit gaan pret wees! Lotta en Chantelle se liefiehonde, Wollie en Stoffie, is daar en hulle gaan ook eendag daar werk. Of gaan hulle?

Lotta se lewe 13: Woef-waff! is deur Alice Pantermüller geskryf en Kobus Geldenhuys het dit on Afrikaans vertaal.

Oor die skrywer

Pantermüller wou reeds van laerskool af ’n skrywer of onderwyser word. Nadat sy onderwys studeer het, het sy as ’n Duitse taalassistent in Skotland gewerk, en daarna was sy ’n boekhandelaar. Vandag woon sy saam met haar gesin op die platteland naby Lüneburg in Noord-Duitsland. Pantermüller is bekend vir haar Bendix Broderson-kinderboeke.

Oor die vertaler

Geldenhuys is bekend vir sy kinderboek­vertalings van outeurs soos JK Rowling en Roald Dahl. In 2015 het hy die Elsabé Steenbergprys vir vertaalde kinder- en jeugliteratuur in Afrikaans ontvang vir Cowell se Hoe om jou draak te tem: Hoe om Drakonees te praat, en in 2018 vir MG Leonard se Kewerknaap. In 2016 is hy met die Alba Bouwerprys vir kinder- en jeugliteratuur bekroon vir sy vertaling van Michael Morpurgo se Hoekom die walvisse gekom het. Hy het by geleentheid ook Artes- en Safta-toekennings ontvang, en is verskeie kere benoem vir sy gesinchroniseerde vertalings van TV-reekse en animasieflieks vir die destydse SAUK-oorklankingsafdeling. Wanneer hy nie vertaal nie, skryf hy televisietekste vir Suid-Afrikaanse sepies en dramas soos Villa Rosa, Swartwater, Binnelanders en Suidooster.  

Uitgewer: NB-Uitgewers
Prys: R185,00*

*Prys onderworpe aan verandering
Koop die boeke by Graffiti Boeke  

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.