Boek: ‘Poppedonsie’ – Carla van der Spuy

Carla van der Spuy

Agt stories, een vir elke aand, oor ’n dogtertjie en haar ouma. Poppedonsie is ’n kleuter wat pas begin stap het en saam met haar onhebbelike ouma, wat die een flater ná die ander begaan, allerlei avonture beleef. Poppedonsie is die verteller wat alles raaksien en Ouma is altyd in die moeilikheid by Mamma.

Ouma word elke keer uitgevang, maar sy word ook elke keer vergewe, want sy en Poppedonsie is onafskeidbaar.

Ouma glo dat jellie speelgoed is, klim met klere en al saam met Poppedonsie in die skuimbad en meng Poppedonsie se ertjies met Smarties sodat dit lekkerder proe.

Dít is mos hoe ’n ouma moet wees.

Oor die skrywer

Carla van der Spuy is ’n bekroonde vryskutjoernalis en skrywer van niefiksieboeke, waaronder Mens of Monster (2012), Bloed op haar hande (2015) en Mishandel, misbruik, misken: Joey Haarhoff was my ma (2016). Van der Spuy se reguit, openhartige gesprekke en haar gemaklike skryfstyl lei na indiepte- en ware lewensverhale.

Prys: R165,00*
*Prys onderhewig aan verandering
Koop die boek by Minimal Press