Tokkelossiebossie en ander dol gedoentes is Philip de Vos en Piet Grobler se 13de boek saam. Daar is daar allerhande dinge wat tussen die bladsye wegkruip: rooikop-tokkelossies in tokkelossiebossies, miere met voorname en Aspoestertjie met haar stink tekkies.
Daar is dinge wat jou sal laat lag en dinge wat jou sal laat dink: spinnekoppies met piepklein hartekloppies, vissies in blikkies en duisendpote met liddorings. Dit is ʼn land waar elke voëltjie sy eie lied het, die land van wie-weet-waar; die land waar jy oplaas die maan se skemerlig aan ʼn wilgerboom se tak kan hang. Dit is ʼn wonderland vir kinders, hulle ma’s en pa’s, oumas en oupas, asook ouma- en oupagrootjies.
Oor die skrywer
De Vos is ʼn oud-onderwyser, oud-operasanger, fotograaf en skrywer van Afrikaanse en Engelse gedigte en kinder- en jeugverhale. Hy is veral bekend vir sy ligte rympies asook limerieke. Verder is hy ook ʼn rymvertaler en skrywer en radio-aanbieder van reekse oor klassieke komponiste.
Oor die illustreerder
Grobler is ʼn bekroonde Suid-Afrikaanse skrywer, kunstenaar en illustreerder. Grobler ontvang verskeie nasionale en internasionale toekennings vir sy werk en het reeds meer as 70 boeke geïllustreer.
Prys: R200,00*
*Prys onderworpe aan verandering
Koop die boek by Graffiti Boeke