Topsy Smith
In hierdie omnibus, wat nóg drie gewilde Trompie-stories bevat, word die sproetgesig Grootkaptein en die Boksombende se avonture voortgesit. Trompie moet veg vir sy plek as spankamptein van die rugbyspan, veral wanneer sy vyand, Gerrit Moerdyk, almal teen hom draai. Trompie en sy maats bak ook vir die wetenskaponderwyser ʼn poets en Trompie skryf in vir ʼn kompetisie wat ʼn reis Kaap toe as prys aanbied.
Oor die outeur
Topsy Smith se karakter Trompie was vir die jongmense van sy era ʼn rolmodel. Smith is een van die mees geliefde en suksesvolle jeugboekskrywers in Afrikaans. Sy Trompie-reeks het ʼn belangrike bydrae tot die Afrikaanse letterkunde gelewer en dit het jongmense baie jare lank lus en lief vir lees gemaak.
Uitgewer: Human & Rousseau
Prys: R155,00*
*Prys onderhewig aan verandering
Koop die boek by Graffiti Boeke
Wonderlik!!! My oudste seun is baie lief vir lees en het sover al die Trompie omnibus boeke. Sal die een beslis ook aanskaf.
Het die uitgawe vir my susterskind aangeskaf, (weet net nie of hy dit gaan lees nie-die kinders van vandag is BITTER lui!) dit is wonderlik dat Trompie nog beskikbaar is.
Ek het met Trompie grootgeword.
Noudat ek 46 is, dink ek dis tyd om al die Trompie boeke (en Uile, Jasper, ens.) weer te lees.
Topsy Smith was ‘n dame, was sy nie?
https://af.wikipedia.org/wiki/Topsy_Smith
Nee, hy was nie. Maar sekerlik goed gemanierd.