Dr. Dirk Hermann, uitvoerende hoof van Solidariteit, het verlede week Begrond, sy eerste boek met historiese fiksie, in die Atterbury-teater in Pretoria bekendgestel. Die boek handel oor ene Kleinfaan Venter wat sy wanhopigheid oor sy toekoms in Suid-Afrika moet verwerk. Kleinfaan kry antwoorde op sy vrae uit ʼn onverwagte oord – die verlede en die verhaal van sy grootouma, Katryn.
Esmarie Prinsloo het met Dirk oor die boodskap van hoop in hierdie boek gesels.