Kits cappucino: My donkerkant

Ek is besig om in my eie persoonlike soul eclipse in te beweeg. En hoe harder ek dit probeer keer, hoe meer gebeur dit. Want op my bed lê daar steeds ‘n hond wat sukkel om te verstaan hoekom hý, van alle honde, reggemaak moes word. Wreed. Elders is daar drukkers wat wil weet wanneer gaan ek hulle ten volle gaan betaal? Vreesaanjaend. En oral in my kop is daar karakters wat veg om op papier bestaansreg te kry …

Daar is te veel goed, en te min genade. Voel ek.

Nou kyk. Al wat ‘n oulike boekie en tydskrif is, vertel mos vir jou hoe om jouself beter te dink. Tips om gelukkiger te wees! Dis groot op elke oordadige voorblad gedruk. Omring jou deur positiewe mense… en, en, en. In daardie geval: pasop vir my!

Want ek voel, bogger dit. Ek is nie lus om innig en diep te grawe vir ‘n laaste stukkie lekkerte nie. Nee. Ek wil nou eers voel soos ek voel. Duister. Donker. Gedaan. Bly weg met julle tips!! En net om dit baie duidelik te maak, het ek sommer my hare ook gaan donkerder kleur. Menskleur. Dis wat ek wou hê. Nie ligstrepies of wip of lewe nie. Nee! Menskleur. Want mense raak moeg. Kwaad. Lam. En my hare moet so lyk.

Ek wonder hoe lank gaan hierdie ecplise aanhou …?

Fran
X

Vir meer inligting oor die boek, Groete, Fran, klik hier.

Fran Mostert

Meer oor die skrywer: Fran Mostert

Fran is jou heel beste vriendin ... vir jare al versteek tussen die moets en moenies van elke dag. Haal haar uit, stof haar af! Want dis tyd dat julle twee lang koffies saam drink, lees, lag, huil, bak en plak. Fran vat die vervelige vaal uit jou lewe uit, en gee dit kleur!

Deel van: Boeke

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae