deur Heilna du Plooy & Loftus Marais
Die Nuwe Stemme-reeks is ‘n opwindende projek waarmee Tafelberg-Uitgewers publikasiegeleenthede skep vir jong digters. Dink maar aan die sukses wat debutante soos Danie Marais, Ronelda Kamfer en Loftus Marais gehad het nadat hulle in Nuwe Stemme gedebuteer het. Vanjaar is daar opnuut bekende én opwindende name waaronder Desmond Painter, Fanie Viljoen en Pieter Odendaal. Die samestellers vir Nuwe Stemme 5 is Heilna du Plooy en Loftus Marais.
Oor die outeur:
Loftus Marais debuteer as student in Nuwe Stemme 3. Sy eerste bundel, Staan in die algemeen nader aan die vensters, verskyn in 2008 en is bekroon met vyf literêre pryse. Heilna du Plooy is hoogleraar aan die Noordwes-Universiteit en het twee bundels op haar kerfstok. Die donker is nooit leeg nie (1997) en In die landskap ingelyf (2003).
Uitgewer: Tafelberg
Prys: R165-00*
*Prys onderhewig aan verandering