“Jesus het nie gekom om iets nuuts te begin nie, maar om iets radikaals te hervestig. Jesus bring ons nie vorentoe nie, maar terug. Huis toe. Jesus draai dinge om, nie onderstebo nie, maar regop. Die wortels is eintlik in die hemel,” sê Du Plessis.
Wanneer ons na Jesus se lering en stories in die konteks van sy tyd kyk, onthul dit ’n ongemaklike, maar lewegewende perspektief.
Du Plessis, ook die skrywer van Jesus ruik na mirre en stof, takel Jesus se woorde “die koninkryk van die hemel is hier” in terme van Jesus se gelykenisse en stellings. Jesus verwys na God se koninkryk, hierdie koninkryk wat alles op sy kop kom draai het, wat anders werk as wat ons dink. Dit is hier waar ons ons menslikheid herontdek.
Oor die skrywer
Du Plessis is die stigter van 3rd place, ’n kerk en geloofsgemeenskap in Pretoria, maar is deesdae een van die leraars by InVia-gemeente. Hy het in die advertensiewese en modebedryf gewerk, en dra by tot verskeie blogs. Sy praatjies oor kreatiwiteit en hoe om te leef en te werk in ’n vinnig veranderende wêreld is gewild.
Uitgewer: Lux Verbi
Prys: R225,00*
*Prys onderworpe aan verandering
Koop die boek en e-boek by NB-Uitgewers
Du Plessis se Paasfeesboodskap moedig kinders van God aan om die tafels groter te maak en nie die mure hoër te bou nie. Kyk hier na sy boodskap: