deur Leon Rousseau
Storieman Omnibus 1 en Omnibus 2 wat in 2012 verskyn het, was ongetwyfeld ‘n reusesukses. Nou volg ook ‘n derde omnibus, met nóg gewilde verhale waarvoor elke Storieman aanhanger reeds angstig wag! Hierdie omnibus-uitgawe sluit die oorspronklike voorlesings op twee oudio-CDs in. In hierdie uitgawe is Gobbolino, die geliefde heksekat, weer terug! Kom luister ook saam na gunstelinge soos “Die gelukkige prins”, “Die Gobbelrot” en “Die groot, harige bogman” en kom lag lekker vir stories soos “Die groot pasteiwedstryd” “Eierdrome”. Hier is ook feëverhale soos “Skoonlief en die ondier” en “Aspoestertjie” om weer van nuuts af te betower.
Oor die outeur:
Leon Gerdener Rousseau is op 5 Maart 1931 in Kaapstad gebore. In 1959 begin hy en Koos Human ‘n nuwe uitgewery Human & Rousseau. Nadat Human & Rosseau in 1977 aan Nasionale pers verkoop word, tree hy uit en stig ‘n klein uitgewery, Ibis. In hierdie tyd publiseer hy ook suksesvol die Storieman-reeks onder die naam van Rubikon pers.
Leon Rousseau se bekendste werk is Die groot verlange (1974), die verhaal van Eugène Marais, wat in 1975 met die CNA-prys bekroon is. Leon is ook bekend vir sy Fritz Deelman-boeke.
Uitgewer: Human & Rousseau
Prys: R145-00*
*prys onderhewig aan verandering
