Tjoppie se prettige, kleurryke avonture is perfek vir storietyd saam met peuters en kleuters. Dit is geskik vir kinders nul tot ses jaar.
Tjoppie en die muskiet
Vandag is daar ʼn aaklige gogga wat vir Tjoppie pla en steek. Dit jeuk oral! Gelukkig ontmoet hy ook vir Tonkie die spinnekop wat hom kan help.
Tjoppie se verjaardag
Dit is vandag Tjoppie se verjaardag! Hy kry baie geskenke. Maar saam met wie van sy maats moet hy eerste speel? Dit is tog die lekkerste as almal leer om saam te speel.
Oor die skrywer
Liz de Villiers het as lektor in visuele kommunikasie by die AAA School of Advertising in Kaapstad gewerk en onlangs haar meestersgraad in ontwerp by die Kaapse Skiereiland Universiteit vir Tegnologie (KSUT) voltooi. Sy woon en werk tans as onderwyser in Engels in Sejong in Suid-Korea.
Oor die illustreerder
Vian Oelofsen is ʼn heeltydse kinderboekskrywer en illustreerder. Hy werk vir plaaslike asook internasionale uitgewers en het al meer as 50 boeke vir kinders geïllustreer. Hy is veral bekend vir sy illustrasies van die gewilde Liewe Heksie en Haas Das-reekse. Hy woon in Stellenbosch.
Prys: R95,00*
*Prys onderhewig aan verandering
Koop die boek by NB-Uitgewers