Om alleen te gaan is die verhaal van Cato van Johannesburg, wat in haar middeljare ná ʼn ernstige verlies op ʼn hartsreis na die Nyl gaan. Op haar tog word sy van ʼn Egiptiese artefak vergesel, wat trouens een rede vir die reis is – dié antieke klein klipskilpadjie moet huis kry.
Vroeg in haar Nylbesoek ontmoet sy vir Da’oud, ʼn jong Koptiese Egiptenaar op ʼn eie lewensveranderende sending. Sy familie is intens geraak, oor etlike generasies, deur sosio-politieke onrus en ongeregtigheid, met 2011 se onlus op die Tahrir-plein as onlangse laagtepunt.
Op hul bootvaart op die Nyl ontmoet dié twee ietwat ongemaklike vriende ʼn bonte verskeidenheid van soekers en swerwers, en die terugkeer van die skilpad-artefak na sy plek van heenkome word ʼn simbool vir die afleggings en tot-rus-kom wat Cato en jong Da’oud, op sy eie, verskriklike manier, moet deurmaak – elkeen alleen.
Nicole Jaekel Strauss ontvang in 2009 haar meestersgraad in kreatiewe skryfwerk met lof. Haar debuut-kortverhaalbundel, Maal (2010), het die Eugène Maraisprys en die UJ-debuutprys (2011) gewen. Strauss se tweede kortverhaalbundel, As in die mond (2017), was op die kortlys vir die WA Hofmeyr-prys en is bekroon met die Jan Rabie-Rapportprys. Sy woon in Kaapstad.
Om alleen te gaan het pas by NB-Uitgewers verskyn en dit kos R280 (prys onderworpe aan verandering). Klik hier om die boek aanlyn te koop.
Phyllis Green het met Nicole Jaekel Strauss oor haar roman gesels. Luister hier na die volledige gesprek wat deur Graffiti Boeke aangebied is:
- Graffiti Boeke se aanlyn kuiers en boekbekendstellings word weekliks op Facebook