Foto: pixabay.com
[promosie-artikel]
Dit is weer tyd om daardie kreatiewe skryftalent los te laat en in te skryf vir die “Ken jou storie”-kinderboekskryfkompetisie.
Ná die ongelooflike groot sukses van 2017 se skryfkompetisie, het Aros in samewerking met Pretoria FM besluit om die kompetisie weer in 2018 aan te bied. Die goeie nuus is dat die kompetisie ook gaan plek maak vir ʼn addisionele ouderdomsgroep.
Daar kan ingeskryf word in een van die volgende kategorieë:
- Ouderdom 4 tot 6 jaar
- Ouderdom 7 tot 9 jaar
- Ouderdom 10 tot 12 jaar
Daar is groot pryse op die spel vir die drie kategoriewenners. Nie net word elke wenner se boek gepubliseer nie, maar stap elkeen ook weg met ʼn kontantprys van R8 000. Die naaswenners kry elk R2 000. Die wenners sal 2 November op Pretoria FM aangekondig word.
Hoe om in te skryf:
Jy kan nou gaan inskryf. Die inskrywings sluit op 28 September. Vir meer inligting, die jongste nuus en hoe om in te skryf besoek gerus hul webwerf.
Luister ook vanaf 19 April elke Donderdag om 10:30 op PretoriaFM vir insiggewende gesprekke rondom die skryf van kinderboeke, illustrasies van kinderboeke asook kinderontwikkeling en die belangrikheid van lees.
