Lina Spies (Geb. 1939)
God, U wat U besig hou
met sonnestelsels
planete en engele,
luister na my:
ek het ’n gewone mens
eindeloos liefgekry
Hy het met die sfere
my so vertroud gemaak
dat ek geglo het
ek is self ’n ster
en U nie meer ligjare ver
Toe het hy my laat los.
In u groot heelal, Here, gryp
die stippel ek wat val.
Ek kan skryf: uitsonderlik, of uitstekend, of baie mooi, of fantasties, maar eintlik is nie een die regte woord of woorde om hierdie gedig se prag vas te vang nie!
Baie dankie hiervoor!
Verruklike gedig in die soetste taal.
Pragtige gedig – pragtig.