Argieffoto (Foto: Alexas_Fotos/Pixabay)
Ernst van Heerden (1916 – 1997)
Die jare bondel in sy oë saam,
tot oumensnek en heupjigstap
vereng en tog verhewe bo
die grense van die sterflikheid;
geslagte flikker soos ‘n sonnedag
verby: Egipte, Babilon
staan uit die stof weer op,
Ramses trek ten stryde uit;
maar die oorlogshelm lê in die as
van ‘n verpoeierde en grys,
voorwêreldlike ou Karoo.
