C Louis Leipoldt (1880 – 1947)
Boggom en Voertsek het saam gelewe
Waar die Hantam-berge pryk
En die dun kapok in die naglug swewe
As die wind die biesies stryk.
Boggom en Voertsek het saam geswerwe
Waar die boegoe-bossies bloei
En die harde klip, deur die ys gekerwe
In die oerou tyd, nog groei.
Boggom en Voertsek het saam gesanik
In die aand teen die vollemaan:
Sluit ek my oë vandag, dan waan ek
Ek kan hulle taal verstaan.
Boggom en Voertsek het saam gesterwe,
Waar die Hantam-land hom strek.
Daar’s niks as die storie om oor te erwe,
En niks om daaruit te trek.
Ek dog nog al die jare Boggom en Voetsek het saam in die Pontiac gery?