Gedig: Die begrafenis

Argieffoto

Argieffoto

Eitemal (WJ du P. Erlank) (1901 – 1984)

“Is iemand dood? En wie was sy?” –
ʼn Vreemd’ling vra en stap verby.

Die bure sug: “So ʼn goeie vrou!
Haar skoonfamilie gaan ook rou.”

Die dokter frons: “Dit was nogal
ʼn Allermoeilikste geval.”

Die predikant, manel en das,
Gebaar: “Ja, alle vlees is gras.”

Twee kleintjies, met dik snye brood,
Roep: “Omie, onse ma is dood.”

ʼn Man staar eenkant op die grond
Met twee diep lyne om sy mond.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Elizabeth ·

Baie dankie Maroela! Weereens knop-in-die-keel – wat van nou ‘n paar vrolikes?!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.