Argieffoto (Foto: stux, Pixabay)
SV Petersen (1914 – 1987)
Hulle leef op skuld
tot Vrydagaand,
en tot die einde van die maand;
Gaan goed gekleed, soos wie weet wie –
trakteer mekaar op simpatie;
Ontspan by voorkeur
in die fliek,
dans dol op radiomusiek;
Sing luidkeels Sondae in die kerk,
vloek roekeloos Maandae by die werk;
Doen siektes op,
en word gesond –
gaan tog maar môre weer te grond;
Teel kleingoed by die tros, en stort
gʼn traan oor wat van hulle word!
Die jare gaan,
die jare kom;
hulle mors die Tien Gebooie om –
Trek kort op sestig pensioen,
en raak met God en mens versoen.
Groot waarheid hierin.