Gedig: Donder

Argieffoto (Foto: Free-Photos/Pixabay)

Ernst van Heerden (1916 – 1997)

Hoe wolkloos kan dit word?:
gʼn wattevlekkies oor ʼn ganse ruim
toe ʼn donderslag bevestig
waarom alles dan so verpuurd hul gange gaan.

Onverwags was dit dan juis nie –
die geslypte meslem van die blits
wat parallelle hemels van mekaar
vervreem,

en op tasbare afstand
die hoë denneboom versplinter:
matematies en met snyershand
van kruin tot wortelvoet gekloof,
met vuurtonge reeds aan ‘t dans en knetter,

en daar word nou aanvaar;
dis ek, sover die ongetroffene,
wat skielik skrynend brand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.