Sheila Cussons (1922 – 2004)
Solank as wat die mens
sy gewaarwordinge in taal bly formuleer
Here, laat my taal leef
en dat U hom nooit van die liggaam
van Afrika sal amputeer nie –
en waar U moet terugsnoei, Heer,
laat ons u hand herken en rustig weet
U sal uit die vurige sap
wat U nou tot besinning kasty
iets wat helder en edel is eindelik distilleer.
Uit: André P Brink, Groot Verseboek Deel I
DIS nou ‘n gepaste gedig vir die tye wat ons in lewe en Afrikaans so in die spervuur is. Saam met Sheila sal ons die gebed bly bid!