Gedig: Gebed van ʼn groen perske

 

Argieffoto (Foto: anadfontana, Pixabay)

Annesu de Vos (Geb. 1964)

Here ek dank U
dat die insek sy eier
in die dae van my blommetjie wees
nie gelê het nie

dat my groen vleis in my skil
kan uitbult
vermeerder sonder die vloek
van vrot

bewaar my dan
teen die hael
teen die steek
van die son –

maar bowenal
bewaar dié droom
o Heer:
my moederboom
wat vrugte foutloos fabriseer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

2 Kommentare

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.