Gedig: Groenspreeu

Argieffoto (Foto: HebiFot, Pixabay)

Argieffoto (Foto: HebiFot, Pixabay)

PW Buys (1923-1999)

Die digter is ʼn leuenaar wat altyd die waarheid praat
– Jean Cocteau

Jy kan die groenspreeu nie vertrou,
hy lieg die aarde pimpelblou.

Hy fluit die hemel lowergroen,
paljas ʼn pruim tot perlemoen.

Hy tierelier die suring soet
die katjiepiering swart soos roet.

Hy vonkel, konkel, toor die son
tot ʼn ranonkelrooi ballon.

Die groenspreeu is ʼn kunstenaar –
soms lieg hy selfs die waarheid waar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Eliza-beth ·

O dis soooo mooi! Ai net wat mens nodig het na die lees van sovele moorde, verkragtings, aanvalle, ontvoerings en… en … en…! DANKIE tog Maroela!

Marilen ·

Ek stem saam! Ons Afrikaanse taal stel nooit teleur nie!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.