Argieffoto
Theunis Engelbrecht (Geb. 1965)
ek bou vir jou ‘n huisie
van sandsteen son en skalie
ek plant vir jou ‘n wilgerboom
wat wolffluitlange skadu’s maak
ek dors vir jou ‘n riviertjie uit die aarde
waarin paddas moederlik grom
ek plaas vir jou ‘n paar vet kuikens
en cuddlesome katjies op die werf
ek brei ‘n voetmatjie om te lê
voor die riempiestoel wat ek vir jou gevleg het
ek vra die wolke
om die blou lug plek-plek melkwit af te werk
ek gooi die damme vol water
sodat ons kinderlik kaal daarin kan baljaar
ek versamel stronke vir jou stofie
sodat ons koffiewater lekker warm kan stoom
ek berei vir jou ‘n matrasveerbedjie
waarop ons nagtelank bymekaar kan doeks
ek sit sterk vensters in die mure
om tokkelossie buite te laat bly
dit alles doen ek net vir jou
omdat ek vreeslik baie van jou hou
Uit: Groot Verseboek Deel 3 (Andre P Brink)
Dis nou ‘n liefdesvers duisend! As iemand so mooi vir my sou dig, vra ek hom d a d e l i k om te trou!
Ek kan nie meer saam stem nie – dis PRAGTIG . . .
Mooi Heimat-gedig. Dankie
Ek sekel vir jou ‘n maan
waarin jou drome hangmat kan lê
ek klip vir jou ‘n voetpaadjie
waar jou gedagtes maar kan dwaal
deur boorde tot bloeisens toe vol
beloftes vir jou karaf
en skugter saters wat nader staan
om gedigte uit jou hand te eet
dit alles, alles
omdat ek mal is
oor jou
Nou-ja…Genis, ek sal met jou ook trou :)
ek sekel vir jou ‘n maan
waarin jou drome hangmat kan lê,
ek klip vir jou ‘n voetpaadjie
waar jou gedagtes maar kan dwaal
deur boorde tot bloeisens toe vol
beloftes vir jou karaf
en skugter saters wat nader staan
om gedigte uit jou hand te eet
dit alles, alles
omdat ek mal is
oor jou