Gedig: Huwelik

Argieffoto (Foto: PaelmerPhotoArts, Pixabay)

Olga Kirsch (1924 – 1997)

ʼn Jaar of wat van angs en fel verrassing,
van leer en afleer, lugtige geluk,
dan is daar kinders. Die pynlike aanpassing
wat diens en arbeid verg, die onderdruk
van self, lang dae en nagte sonder rus
maak dat hul al hoe meer mekaar beskou
as ouers, bondgenote in kommernis
en vreugde, maar bysaaklik man en vrou.

Skielik is dit ʼn afgemaakte taak.
In leë kamers sien hul mekaar weer raak –
vergete rykdom. Albei het diep gely,
veel prysgegee en baie bygekry.
In die stil huis ontdek hul weer mekaar
soos, in ʼn veraf tuin, die eerste paar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Celtis Africana ·

Pragtige verwoording van die dekades van werklikheid!

Eva ·

so mooi, en baie spesiaal op ons 26ste huweliks herdenking vandag!!!! :) :)

SNEL ·

Baie geluk Eva 🎉🎊, mag daar nog baie gelukkige jare vir julle saam wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.