Gedig: Laatnagvure: XV

Argieffoto (Foto: Kevin McIver/Pixabay)

Louis Esterhuizen (Geb. 1955)

Uit: Laatnagvure

Na die liefde se sloping
bly dié probleem: hoe om weer
op die kaal erf

te bou, die gekneusde fondasie
op te grawe, te vervang
met ʼn ander.

sodat die nuwe ontwerp
iets ouds dog ook iets bygeleer
demonstreer.

As behoud, die argitektuur
van groei, want dit is
met letsels

wat ons mekaar kies
en bewoon.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae