Jak de Priester
Dit het soveel dae gereën,
soveel dae, dat selfs die reën moeg is om te reën.
So moeg soos die mens vir verwyte,
só moeg die reën om te reën.
Sewe dae en sewe nagte,
toe
breek die son deur die wolke,
heilig
die geboorte van ‘n kind
rooi bevlek met bloed,
hangend aan ‘n naelstring
van vergifnis
nes Bethelehem
buig almal in dankbaarheid,
die see,
die berge,
die diere,
en die mense.
Brood (Griffel Media, 2010)