Gedig: Maanreis

Argieffoto (Foto: Aron Visuals/Unsplash)

Ernst van Heerden (1916 – 1997)

Miskien is dit ons weg na vrede
na ‘n ander soort liefde
wat net in die verste blou
buitenste duisternis bestaan;

Miskien is daar êrens
tussen maankraters en droë geule
die aanskemering van ‘n liefde
wat ons hier nie geken het
of kon ken nie;

Miskien is dáár ander woorde
vir “jy”, en “ek”, en “ons twee”,
en “ek het jou nodig”,
en “jy is begin en einde vir my”,
en “ek het jou lief”;

Miskien kan ‘n bar en leë wêreld
dié soort liefde verdra,
en dit uitsê,
en dit wedersyds herhaal,
dit in die lugloosheid
na mekaar toe skaats,
en dit met die opgang van die aarde
in ‘n nuwe straling vang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Elmarie

Ai so mooi…SO mooi