Gedig: ʼn Aand met Danièle

Argieffoto

Argieffoto

Chris Lombard (Geb. 1929 – 2012)

Danièle Pascal laat Piaf van die liefde sing;
in bistro-skemerte dink elke siel sy eie ding:

ʼn Ouderling herleef sy aandjie in die Madeleine
en weet dat niemand hier soos hy die lewe ken.

Twee gestoelde dames met tiaras lyk bedug:
Is alles pluis met dié vrou se sedelike tug?

ʼn Bestorwene gryp na die ketting om sy hals
en prewel: Wie is nóú getrou; en wie was vals?

ʼn Vaalhaarmeisie kyk betraand na soveel smart
en hoop ʼn groot verlies tref nog haar eie hart.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.