Gedig: Nagedagtenis

Argieffoto (Foto: troopwatcher.info)

Argieffoto (Foto: troopwatcher.info)

IL de Villiers (Geb 1936)

pa jy het min gepraat
ek sien jou met jou hopie boeke eenkant op die stoep
opkyk of jy verskoning maak
dat jy daar sit

in die wit bed met die traliewerk
– verpleegsters het die groen gordyne
rondom versigtig toegetrek –
het jy stil
borrels bloed lê blaas
terwyl jou oë hulle skaam

oor die vlek wat op die kussing groter word:
die ou wond, binne, het weer oopgegaan

klere in jou kas was soos jou woorde min
twee baadjies
kerkmanel
bankboek met drie en tagtig rand
en dertig sent
halwe pakkie peperment
ʼn winterjas en flenniebroek

ʼn notaboekie
L. de V. gekoop Berlyn Kersfees 1936 Hebr. II vs. 13, 15
sê jy het ʼn vaderland gesoek

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.