Gedig: Nina het ʼn brief gekry

Argieffoto (Paternoster, 2014) Foto: Suné van Heerden

Argieffoto (Paternoster, 2014) Foto: Suné van Heerden

Fransi Phillips (Geb. 1958)

Nina het ʼn brief gekry
wat sy nie wou lees nie
dit het toe ons inkom
onder die voordeur gelê

Nina het in die wind gaan staan
en uitkyk oor die see
terwyl sy hardop vir haarself vertel
hoe sy na haar klavier verlang

Nina het tussen die bosse deur
na die see toe af gegaan
en geloop en sing terwyl die branders
oor haar voete gaan

Nina het ʼn seemeeu gejaag
skulpe opgetel, op bloublasies getrap
en teen die aand na die skeepswrak
gaan kyk hoe die son ondergaan

maar die brief
wat die bure se seun
vir Nina geskryf het
het onder die voordeur gebly.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Eliza-beth ·

Ai tog… arme buurseun wat dalk op ‘n antwoord wag :D! Dankie Fransi!

Ans ·

Wonder hoekom wou sy nie die brief lees nie. Mooi gedig goed geskryf. Sit mens aan die wonder.

Oscar ·

Pragtige sentiment. En ek reken dis bloot ‘n gebrek aan ervaring wat nie meer van die gedig kon maak nie?

Dis veral tegnies waar Fransi kortkom (die herhalende “Nina” wat nie lekker klink nie, asook die gebrek aan allernodigste punktiasie). Verder issit veral asof die vervreemding tussen die brief en Nina se “traak-my-nie-agtigheid” meer tekenend uitgelig kon word: nie met beskrywing nie, maar met ‘n ietwat meer tragieke verwoording.

Elk geval, Fransi is talentvol, so ek kannie wag om meer van haar/hom te lees nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.