Gedig: Op die berg

Kabelkarretjie by Tafelberg Foto: http://www.tablemountain.net/

Kabelkarretjie by Tafelberg Foto: http://www.tablemountain.net/

IL de Villiers (1936 – 2009)

Ek was weer in die Kaap en op teen die berg
in ʼn hokkie van glas wat hoog hang aan ʼn draad
oor rotsige punte waar bokke met draaihorings staan,
en gekyk oor die baai en gesien hoe stil kom die aand,

hoe ʼn mistigheid styg uit die see, ʼn waas in die bog
van die berg waar liggies in strepe aangaan,
oranje soos huise wat brand teen die skuinste,

en ek het gewens dit bly aand, net aand, net die aand,

net die bruinblou aand, en nooit nag nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Ansie Geldenhuys ·

Ek het Izak De Villiers se Op Die Berg as ‘n fonds beskou. Hy was veelsydig en respektabel.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.