Gedig: Poppeteater

Argieffoto (Foto: Pablo Hermoso/Unsplash)

Ernst van Heerden (1916 – 1997)     

Ponsie en sy Djoedie
kap koppe teen mekaar,
trek skewebek met liemaak
en doen so doening-raar:

dis babbel, oor-en-weer-verwyt,
ʼn oorveeg en ʼn oorlelsoen…
sy struikel, en kyk boos –
los veter aan haar skoen.

Elektries langs die garingtjies
laai hartstog in die hart,
die glasoog lyk my vonkel
koketterig, en tart:

bemin my of bemin my nie!
met rooimond teen sy wang
is houtgestolde liefde
in semelarms vasgevang.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.