Gedig: Reënvrou

Argieffoto

Argieffoto

Cas Vos (Geb. 1945)

Die wind vleg jou hare
en waai jou oë skoon.

Jou geur vee oor die grond,
jy glip en gly oor klippe,
oor berge sleep jou rok se some,
jy hoor die aarde se hart sing,
wals op jou tone deur die bome,
kielie klanke uit die voëls se kele.

Jy keer jou kruike op die aarde om
en stryk die grond se plooie glad,
maak die ploegvore blinknat
vir gewasse om welig op te kom.
Jy rol spriete soos groen tapyte oop
en visse glinster waar riviere loop.

Hoe lieflik is jou voete
wat op die bergspitse dans.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

Elizabeth ·

Hoe lekker rol die Afrikaans oor my tong as ek dit lees…Pragtig!

Dalene Russell ·

Ek sal nooit weer in die wind kan stap sonder om te dink dat my hare gevleg word nie…. dankie vir die plasing van hierdie kosbare gedig.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.