Gedig: Repos ailleurs (Die rus is elders)

Argieffoto (Foto: Patrick Pascal Schauß/Pixabay)

Totius (JD du Toit) (1877-1953)

In die eensame veld staan ’n tentjie klein,
en daarnaas in die skeemring skuif die ligtende trein;
ek sien in die tentjie, deur die oop gordyn,
’n tafel met bordjies en glasies fyn,
wat sag in die lig van die kersie skyn,
en ek dag: “Was ek net in die tentjie klein,
ek sou tog so gelukkig syn.”

Naas die eensame tent staan ’n meisie klein,
in stomme bewond’ring van die ligtende trein;
sy sien my geniet my glansende wyn
en kost’like maal by elektriese skyn;
en ek raai die gedagte van die meisie klein:
“Ag, was ek maar net in die vrolike trein,
ek sou tog o so gelukkig syn”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

5 Kommentare

IK ·

‘n Trein van toentertyd,
helaas ons dit nou kwyt.
In my kindsdae die aankomende gedonder,
van die stoomtrein wat jou soms laat wonder,
gaan hy by jou verby?
dit voel kompleet of hy oor jou gaan ry!
Soete herinnering want ons was naby die spoor,
elke dag en nag die trein gehoor.

Essa ·

Dit word net nie meer so gedoen nie; so oënskynlik eenvoudig nie. Klein storie wat ‘n prentjie oproep, plein woorde, en dan sommer so terloops die waarheid waaroor die gedig handel – hier, die neiging van die mens om te wens hy is in die ander een se skoene en omgekeerd. Ja, die rus (en beter tye) is altyd elders. Dankie MM vir hierdie lekker onthou-oomblik.

Terloops ·

Dit was my gunsteling gedig as kind. Kon self nooit kies waar ek my graag so begewe nie. Dan in die tentjie, dan in die trein, maar selde as ooit hier.

Betzie ·

My standerd 5 meneer in Laerskool President Brand in Bloemfontein, mnr. Samuel Herman, het onder meer hierdie gedig aan ons bekendgestel. Spesiale onderwysers
is altyd kosbaar.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.