Gedig: Somerkersfees

Argieffoto

Argieffoto

Koos du Plessis (1945 -1984) en Jannie du Toit (Geb. 1951)

Welkom o stille nag van vrede,
Onder die suiderkruis,
Wyl stemme uit die ou verlede
Oor sterrevelde ruis.
Kersfees kom, Kersfees kom
Gee aan God die eer.
Skenk ons ‘n helder Somerkersfees
In hierdie land, o Heer.

Hoor jy hoe sag die klokke beier
In eeue-oue taal
Kyk, selfs die nagtelike swye
Vertel die ou verhaal
Kersfees kom, Kersfees kom
Gee aan God die eer.
Skenk ons ‘n helder Somerkersfees
In hierdie land, o Heer.

Voel jy ook nou sy warm liefde
As ons die dag gedenk
Toe Hy sy Seun vir ons gegee het –
Ons grootste kersgeskenk
Christus kom, Christus kom
Gee aan God die eer.
Skenk ons ‘n helder Somerkersfees
In hierdie land, o Heer

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

anne ·

Nog een van die moosites. Koos du Plessis was nie net n sanger nie maar ook n besondere digter.

Eliza-beth ·

Dankie Maroela vir ‘n ryke geskenk van gedigte in hierdie mooi tyd van die jaar!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.