Vickus Prinsloo
Toe die son vanoggend oor Afrika sy rooi kop wys
en ek soos die wind op my fiets oor sy rooi grond ry
Het ek aan jou gedink.
Ek het gewonder of die silwer strome
soos jou lyf kan vloei
of tevergeefs net probeer.
Of jou sagte hare soos die bome se blare sal waai
as ek vinnig genoeg verby jou ry.
Ek het gewonder of ek so sal sweet, tevrede sal wees
as ek my kop op jou bors neer lê.
Uit: Bloeisels