Gedig: Vertel

Argieffoto (Foto: Unsplash, Pixabay)

Argieffoto (Foto: Unsplash, Pixabay)

Heilna du Plooy (Geb. 1947)

Kon ek net een maal ʼn verhaal vertel
wat soos ʼn laatnagkool
sal gloei van deernis vir die wêreld –
dan sou ek gelukkig wees.

En as die gloed waarmee die kool
tot diep in die geheimste plekke brand
die koue mense kon verwarm –
dan sou ek gelukkig wees.

Maar as dit kon gebeur
voordat die kool se rooi en swart
in fyn wit as tot niks verwaai –
dan sou ek inderdaad gelukkig wees.

Uit: Groot Verseboek Deel 3, Tafelberg

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae