Argieffoto (foto: Free-Photos/Pixabay)
Elisabeth Eybers (1915 – 2007)
Om ongehinderd onder eie dak
te skuil kan jy ʼn voorraamleuse plak
soos: ons verkoop of koop nie aan die deur,
het niks om op te knap, is reeds bekeer.
Op die manier ontmoedig jy messlypers,
skemerige kollektante en kansgrypers,
Jehovasbodes en tapytverkopers,
houtkeweruitroeiers en wederdopers.
Jy sku – naywerig? – die hele skaar
wat so hul loon van huis tot huis vergaar
en sonder waarskuwing geen oomblik deins
om jou trap-af te pluk uit jou gepeins.
Maar eendag sal jy opgetrommel word
want fantasie en voorsorg skiet te kort:
waar vind jy nog ʼn slagsin om jou bel
te vrywaar teen die engel Asrael?
Nou toe nou; bedelaars, straatsmouse, bemarkers, traktaaitjie predikers en wat ook al is nie ‘n nuwe probleem nie. Oulike gedig ?