Argieffoto (Foto: Free-Photos/Pixabay)
E. de Jager
Woorde van Krog, Jonker en Small
Woorde van die weelderige Keiser, die Wonderwewer en die
wysneusige Nar,
Woorde in weemoedige opstelle, wanklinkende briewe en
wankelende poësie
Woorde van wysheid voor ʼn klas vol weetgierige wesens
Woorde van waarheid vir jong kinders wat wag op die lewe
Woorde van welvoeglike taal in belangrike dokumente
Woorde, wonderlike woorde,
waarmee ek daagliks weemoed wegwens
Woorde is ook my siel
Woorde wat word die weeklaag van my wese
Woorde wat die wag op weergeboorte weergee
Woorde wat woeker met waarom, wanneer, wie
Woorde wat wonder oor die wenslikheid van alles
Woorde is die wyse waarop ek my weerloosheid kan wys
Woorde is my wapen teen wanopvattings en verdraaide waarhede
Woorde woorde woorde
Woorde het waarde
Die Woord leer my die regte woorde
Uit:
Een van die vier, ‘n bundel gedigte en kortverhale. Dié boek kos R190 en is slegs beskikbaar per bestelling. Stuur ʼn e-pos na Eleonor van den Heever by [email protected] of na Yolandi du Plessis by [email protected] om die bundel aan te skaf.
