Argieffoto (Foto: StockSnap, Pixabay)
Oskar Prozesky (Geb. 1947)
My pa se plaas was Nooitgekaart
En my ma se deel die wind wat waai;
Noord, oos, suid, wes, soos die weerhaan draai,
Het my oupa met ʼn engel baken gery
En die hele liewe wêreld in erfpag gekry.
En ek is die boer van Soekgeluk
En die baas van Swaar- en Lekkerkry,
En die lewe is vir my ʼn storieboek
En my beeskraal is my boekery.
En dag na dag van vroeg tot laat
Woeker ek agter my ploeg en pen,
Bewerk papier en saai woordsaad.
