Skermskoot uit die HAT
Die Handwoordeboek van die Afrikaanse Taal se woord van 2017 is misleiding.
In ʼn jaar waar fopnuus ʼn algemene woord geword het, waar nuwe nuuswebwerwe soos paddastoele opgeskiet en die geloofwaardigheid van (betroubare) nuuswebwerwe in twyfel getrek is, was misleiding aan die orde van die dag.
Die HAT beskryf mislei soos volg: iemand (met opset) iets laat glo wat nie waar is nie, vir iemand jok; iemand bedrog/verkul: Die rower het die polisie mislei en ontsnap; iemand met valse voorstellings mislei.
Zuma het sy mense mislei deur vals beloftes te maak.
Het Ramaphosa ons mislei deur gematigd te lyk?