Uitdrukking:
Iemand het haasvleis geëet
Betekenis:
Iemand is ‘n bangerd/lafaard
Waar kom dit vandaan?
Eintlik beteken dit dat iemand so vinnig soos ‘n haas kan hardloop as hy bang word. Dit stam uit die baie ou volksgeloof dat ‘n mens die einskappe van ‘n dier opneem deur die vleis daarvan te eet. Achilles, byvoorbeeld, het die murg van ‘n leeu geëet. Op sommige plekke in Griekeland is ‘n duif en ‘n haan aan onderskeidelik die bruid en bruidgom voorgesit: die duif was die simbool van verliefdheid en die haan van manlikheid.