Uitdrukking:
Iemand iets op die mou speld
Betekenis:
Iemand iets wysmaak
Waar kom dit vandaan?
In die Frieslandse volkslewe was daar vroeër die gewoonte om as geskenk ‘n voorwerp aan iemand se mou vas te speld. Hierdie innemende gebaar sou die ontvanger vlei en sy vertroue in die skenker laat toeneem. Vanuit so ‘n posisie kon die skenker dus later die persoon iets wysmaak – al was dit nie noodwendig waar nie – en tog geglo word.