Uitdrukking:
Kort/Heet gebaker wees
Betekenis:
Opvlieënd wees van geaardheid
Waar kom dit vandaan?
Volgens die Woordeboek van die Afrikaanse taal slaan die baker van gebakerd op die oorspronklike gebruik om pasgeborenes voor ‘n vuur te verwarm en in doeke toe te draai. Die baker was ‘n vrou wat die moeder en pasgebore kind opgepas het. Volgens oorlewering sou die manier waarop die baba gebakerd is, ‘n invloed op sy latere karakter hê. As hy te warm gekry het, sou hy dan later driftig wees.