Uitdrukking:
‘n Perd van ‘n ander kleur [na die Engels]
Betekenis:
Iets heeltemal anders
Waar kom dit vandaan?
Die uitdrukking het waarskynlik niks met perde te maak nie, maar daar is een vergesogte gissing oor die herkoms in Engels: die Wit Perd van Berkshire in Engeland is ‘n buitelyn van die dier en ongeveer 120 meter lank. Dit is waarskynlik eeue glede in ‘n kalkheuwel uitgegrawe. Af en toe roei die inwoners van die nabygeleë dorpie die onkruid daarop uit, wat die perd ‘n ander kleur laat aanneem.