Uitdrukking:
Iets is ‘n wit raaf
Betekenis:
Iets wat baie skaars is
Waar kom dit vandaan?
‘n Wit raaf (of kraai) is ‘n besonder seldsame voël. Volgens die Romeinse digter van die tyd van Christus, Ovidius, was die raaf oorspronklik wit, maar hy is deur Apollo Phoibos in ‘n swart voël verander omdat hy die geheim uitgelap het dat Koronis, ‘n geliefde van Apollo, aan die god ontrou was.
Ek het my vriend, die Woordeboek van die Afrikaanse Taal (WAT), nageslaan. Die Latynse woorde Rara avis beteken ‘n seldsame voël. Om ‘n wit raaf te sien is seldsaam. D.w.s. ‘n buitengewone soort persoon of ding word ‘n wit raaf genoem.