Op jou louere rus

Uitdrukking:
Op jou louere rus

Betekenis:
Nie verder lof probeer inoes nadat ‘n mens deur eie inspanning iets bereik het nie.

Waar kom dit vandaan?
‘n Louerkrans (of lourierkrans) of erepalm was ‘n teken van oorwinning; ‘n seëvierende generaal sou so bekroon word. Om daarop te rus, was dus om niks verder na te streef nie. Daar word dikwels ten onregte gesê dat die lourierkrans by die antieke Olimpiese Spele toegeken is. Daar was vier sodanige spele, elk met sy eie soort krans vir die wenner. By die Putiese was dit van lourierblare gemaak; by die Nemeïese was dit van groen pietersielie, by die Olimpiese van wilde olyfblare en by die Ismiese van droë pietersielie of groen denneblare.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae