Uitdrukking:
Op jou nugter maag
Betekenis:
Voordat jy geëet het
Waar kom dit vandaan?
Dié nugter hou moontlik eerstens verband met Nederlandse goeden ochtend. Die =n van goeden is gevoeg aan die ochtend en sou nochtend word. Gewestelik is dit vervorm tot nuchtend, nuchte en as byvoeglike naamwoord nuchter. Daar is ook ‘n ou vorm enugterne wat moontlik uit en (“in, aan”) en uchter (“oggend”) saamgestel is. Aangesien die woord nuchter in Nederlands reeds amper duisend jaar oud is, word tweedens gedink aan Latyn nocturnus “nagtelik”; dus jou nagtelike (leë) maag.
