Uitdrukking:
Die eerste gewin is kattegespin.
Betekenis:
Wat ‘n nuweling in die spel wen, word gewoonlik weer later verloor.
Waar kom dit vandaan?
Kattegespin is gewoonlik net vir rym gebruik, maar daar is twee ander moontlike verklarings. Die gespin van ‘n kat bring niks voort nie en is dus waardeloos, soos die eerste wengeld van die nuweling. Die ander moontlikheid is dat kattegespin hier aan katteliefde gelyk gestel word. Dit is ‘n valse liefde, want ‘n kat sal een oomblik nog spin en dan skielik die hand van sy eienaar krap. By uitbreiding is dit dus valse gewin.
