Uitdrukking:
Dis botter tot die boom
Betekenis:
Gesê van twee persone wat dik bevriend is
Waar kom dit vandaan?
Oorspronklik is dit gesê van huwelike waarin die bruidspaar duidelik tot oor hulle ore verlief was. Die vergelyking is moontlik dat die vriendskap soos daardie liefde is; ʼn liefde so suiwer soos botter in ʼn vat wat nie net bolangs nie, maar tot op die bodem onvervalste, puik botter is.
Bron: Spreekwoorde en waar hulle vandaan kom
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
Nog nooit gehoor.
Ai, maar ons het ‘n mooi taal!
Ek het as kind ‘n tradisionele botter en kaasfabriek in Tweespruit besoek. Hier het hulle werklik vatte gebruik om die botter in te sit gedurende die vervaardigings proses. Afrikaans is ‘n mooi taal en ek dink ons kan gesprekke en kommunikasie meer interresant maak deur uitdrukking te gebruik.
Ek is ‘n oud Blikoor!