Foto: coldnosecalls.com
Uitdrukking:
Gebraaide duiwe vlieg niemand in die mond nie
Betekenis:
Sonder inspanning kry ‘n mens niks nie
Waar kom dit vandaan?
Die oorsprong is ontleen aan ‘n beskrywing van ‘n Luilekkerland waar die inwoners selfs te lui is om die gebraaide hoenders, duiwe en eende wat verbyvlieg, te vang en dié dus vanself in hulle monde invlieg.
Die Griekse skrywer, Athenaios, het reeds in 200 n.C. geskryf dat dié soort land ook by die Grieke en Romeine bekend was. Athenaios kan seker geglo word, want sy belangrikste werk was Deipnosophistai, “Die gastronome”.
